લ્યો ફરી વર્ષો પછીથી શાયરી કહેવાઈ ગઈ,
મૌનની જાહોજલાલી ફરી લૂંટાઈ ગઈ.
તીવ્રતા બુઠી થઈ ગઈ ને ગા લ ગાનાં બંધનો,
બેડીઓનો દેશ છે અને કરવતો ખોવાઈ ગઈ.
એ જ ગઝલો એ જ લોકો એ જ અધૂરાં સ્વપ્ન બે,
કેટલી ચીજોથી સાલી જિંદગી ટેવાઈ ગઈ.
શું કરૂં, મારા રુદનની સાબિતિનુ શુ કરુ ?
એક ક્ષણ ખાલી હ્સ્યો એમાં છબી ખેંચાઈ ગઈ.
આ જ મારી કાયમી ભીનાશનું કારણ કહું
એક નદી મારા સુધી આવી અને ફંટાઈ ગઈ .....
my fav gazal... was looking for this :) thanx a ton !!!
ReplyDelete