કહેવાય છે કે ટોળાને બુધ્ધિ નથી હોતી ... એટ્લે જ મહાન લોકોના કદી ટોળા નથી હોતા.
બાકી તો આ કવિતા ઘણુ કહી જાય છે.
તમે એમ માનો છો કે
આ પથ્થરબાજી કરવા તલપાપડ
ઊભેલા ટોળાના હાથમાં પથ્થર છે?
ના રે ના.
એ તો શાપિત અહલ્યા છે.
તમે એમ માનો છો કે
આ ચર્ચગેટથી વિરાર જતી
ફાસ્ટ લોકલમાં લટકનારાઓ
માણસ તરીકે ઓળખાય છે?
ના રે ના
એ તો ટ્રાન્સફરેબલ ગુડ્ઝ છે.
જો તમે એમ માની શકતા હો
કે હું માનું છું તો માનો.
પણ તમને ખબર છે?
એક દિવસ આપણે આ શહેરના
કબ્રસ્તાનમાં ઊભાં ઊભાં
આ સવાલ પૂછીશું -
'આ શબને દાટવું છે.
બોલો સ્ક્વેર ફીટ્નો શો ભાવ છે ?' ....
- અનિલ જોષી
ગીત નહીં, હમણાં સંભળાશે કોયલની ચિચિયારી,
એક કાગડો ફરી રહ્યો છે મોંમા લઈ સોપારી. ....
- કૃષ્ણ દવે
No comments:
Post a Comment