લાગણીનુ કામકાજ બહુ અજીબ હોય છે. એ કોના માટે, ક્યારે, કેમ ઉગી નિકળે એ કંઈ સમજી શકાતુ નથી. દુનિયા આખી નફરત કરતી હોય એવા માણસને ચાહી શકે એવી પણ વ્યક્તિ હોય છે. હિટલર જેવા હિટલરને પણ ગળાડુબ પ્રેમ કરનાર કોઈ હતી. એટલે જ લાગણી અજીબ લાગે છે. અને લાગણીથી જોડાયેલા સંબંધ પણ. ક્યાંક લાગણી એવી સ્ટ્રોંગ હોય છે કે માઈલોના અંતર પણ ભુસાઈ જાય છે. તમને દિલથી યાદ કરનાર વ્યક્તિની યાદ તમને પણ અચાનક આવવા લાગે..... અને ક્યાંક લાગણી ન હોય એવી વ્યક્તિ પાસેપાસે હોય તોય માઈલો દુર લાગે છે. .... એ જ તો છે લાગણીનો સંબંધ અને સંબંધમાં રહેલી લાગણી ...
- સુરેશ દલાલ
વલખાં, ફાંફા , હવાતિયાં : હવે બધુંયે બંધ
મને જોઈતો નથી જરીકે સુક્કો આ સંબંધ.
હોય હાથમાં હાથ
અને હોય હૈયુ ક્યાંયે દૂર.
આવો આ સંબંધ નિભાવવાને
અમે છીએ મજ્બૂર.
ફૂલોથી છોને થઈ વિખૂટી રઝ્ળી રહે સુગંધ
મને જોઈતો નથી જરીકે સુક્કો આ સંબંધ.
લાગણીઓની ઉત્ક્ટતા પર
મૂક્યો સળગતો પૂળો;
હવે આપણુ નભે એવું નથી
એટ્લું હાય ! કબૂલો.
અમે અમારે હાથે ચાંપી દીધી આજ સુરંગ.
મને જોઈતો નથી જરીકે સુક્કો આ સંબંધ.
No comments:
Post a Comment