કહે છે ને "જ્યા ન પહોચે રવિ ત્યા પહોચે કવિ " ..... આમ તો સૂરજની સામે જોવાની પણ માણસની હીંમત ના થાય પણ અહી આ બંને કવિતાઓમા તો સૂરજની જ જબરી ખેંચી છે બોસ આ કવિશ્રીઓ એ... આઈમીન જબરી મજાક ઉડાવી છે .... જો કે આવુ કામ તો માણસો પણ કરી જ શકે ... મજાક ઉડાવાનુ ! એ તો માણસોને બહુ સારી રીતે આવડે . પણ પ્રાસમાં મજાક ઉડાવાનુ કામ તો કવિઓ જ કરી શકે ને ! જોઈ લો ...
અસ્તરેખા જોઈને સૂરજની, કૂકડાએ કહ્યું,
'આપના પ્રારબ્ધમાં બહુ ચડઊતર દેખાય છે' .....
ને વળી આ જુઓ ...
સૂર્યમાં કાળાપણું છે, એક આંગળ ચાર દોરા બે તસુ. .....
'આપના પ્રારબ્ધમાં બહુ ચડઊતર દેખાય છે' .....
ને વળી આ જુઓ ...
સૂર્યમાં કાળાપણું છે, એક આંગળ ચાર દોરા બે તસુ. .....
જબરુ સંભળાવ્યુ છે ને સૂરજ ને .... લો પૂરી કવિતાઓ જ માણી લો ....
વ્રુક્ષની માલિકી બાબત માગણીઓ થાય છે
એક સૂકા પાનની રેખામાં ઠેબાં ખાય છે
એ પવન બ્રહ્માંડભરનો ભોમિયો કહેવાય છે?
અસ્તરેખા જોઈને સૂરજની, કૂકડાએ કહ્યું,
'આપના પ્રારબ્ધમાં બહુ ચડઊતર દેખાય છે'
બાલદી, શીશી, તપેલી, પ્યાલૂં, ડબ્બો, ટોપિયું
ફૂલ જ્યાં બોળે ચરણ ત્યાં ફૂલદાની થાય છે
ક્યાંક તો જાતો હશે એ, માનીને ચાલ્યો હતો
પણ હવે રસ્તો પૂછે છે, 'ભાઈ, તું ક્યાં જાય છે?'
- ઉદયન ઠક્કર
એક આંગળ ચાર દોરા બે તસુ
આપણું આઘાપણું છે, એક આંગળ ચાર દોરા બે તસુ,તે છતાં મળવાપણું છે, એક આંગળ ચાર દોરા બે તસુ.
ફોનના ડાયલ મહીં છે આંખ દસ દસ પણ બધી છે આંધળી,
ને સતત ફરવાપણું છે, એક આંગળ ચાર દોરા બે તસુ.
પેચ લેતા મૂતરે છે છોકરાઓ લાલ આ ત્રિકોણમાં,
સૂર્યમાં કાળાપણું છે, એક આંગળ ચાર દોરા બે તસુ.
રાત આખી કાંપતુ બેઠું કબૂતર છાપરાની ઓથમાં,
આમ તો સરખાપણું છે એક આંગળ ચાર દોરા બે તસુ.
ભીંત ઘરને ચોતરફથી ઘેરતી ઉભી રહી છે તે છતાં,
આપણું આઘાપણું છે, એક આંગળ ચાર દોરા બે તસુ.
- કૈલાસ પંડિત
આભાર "ગુંજારવ " ...
No comments:
Post a Comment