મારો પ્રેમ ....

કહ્યું ને કે પ્રેમ વિષે જેટ્લુ કહીયે એટ્લુ ઓછુ છે ... આજે પણ પ્રેમની જ વાત .... કવિ શ્રી સુરેશ દલાલની પંક્તિઓ ધ્વારા ...

લાગણી હોય છે ત્યાં લાગણીની અપેક્ષા હોય છે

એ સત્ય ઓછેવત્તે અંશે હંમેશા હોય છે - 

મારો પ્રેમ .....

મારો પ્રેમ તારી સ્મૃતિનો પડઘો નથી

એ હોય તો હોય કદાચ ભૂરું આકાશ

મારો પ્રેમ એ ઉછળતો , ઊભરતો ઉમળકો નથી

એ હોય તો કદાચ હોય ધરતીની ભીની સુવાસ.

મારો પ્રેમ એ નથી પાગલ ઘેલછા કે નથી લાગણીવેડા

એ હોય તો કદાચ હોય ઝીણી ઝીણી લાગણીનુ પારદર્શક જતન.

મારો પ્રેમ હોય તો કદાચ હોય પનિહારીના માથા પરના બેડાં

સભર, સ્વસ્થ અને છલોછલ ....

મારો કે તારો પ્રેમ મારા કે તારા હાથની  વાત નથી.

એ તો ક્યારેક વ્યક્ત થાય છે વૃક્ષની જેમ

અને અવ્યક્ત હોય છે ત્યારે પણ હોય છે

આસપાસ જાણે કે પવન

હું તને પ્રેમ કરીને કદાચ હું મને પામુ છું

કદાચ તું પણ મને ...

- સુરેશ દલાલ