લિ.એક દુ:ખી આત્મા ...

આજે ફરી કંઈક હળવુ - હળવુ .......

ડિઅર ટેકનિકલ સપોર્ટ,

ગયા વર્ષેજ મે ગર્લફ્રેન્ડ ૭.૦ પોગ્રામને અપડેટ કરીને તેને વાઇફ ૧.૦ માં પરિવર્તિત કર્યો છે, પણ થોડા સમયમાં જ મને ખ્યાલ આવ્યો કે વાઇફ ૧.૦ મારી સિસ્ટમનો વિશાળ હિસ્સો રોકિ લે છે. અને મારા અનેક કિંમતી ’સોર્સ’ નો અનધિકૃત રીતે વપરાશ કરી લે છે, આ સિવાય તે પોગ્રામ મારા બિજા અનેક પોગ્રામમાં પગપેસારો કરી લે છે. આ પોગ્રામને કારણે મિત્ર ગોષ્ઠિ ૪.૫, રાત્રિ વિચરણ ૨.૪ અને સ્નાન મુક્તિ (સ્ટાન્ડર્ડ) જેવા મારી સિસ્ટમના અનેક પોગ્રામ ’રન’ થતા નથી અને ’સિસ્ટમ ફેઇલ્યોર’ નો મેસેજ આપે છે.હવે ફરીથી હુ ગર્લફ્રેન્ડ ૭.૦ પોગ્રામને ઇનસ્ટોલ કરવા ઇચ્છુ છુ પણ વાઇફ ૧.૦ ને અનઇનસ્ટોલ કરવા માટે કોઇ વિકલ્પ મને મળતા નથી. મહેરબાની કરી મને મદદ કરો.

–  લિ.એક દુ:ખી આત્મા

----------------------------------------------------------------------------------------------------------

ડિઅર દુ:ખી આત્મા,

તમારા જેવી સમસ્યાનો સામનો વાઇફ ૧.૦ ઇનસ્ટોલ કરનાર મોટાભાગની વ્યક્તિઓને કરવો પડે છે આ એક એવી ઓપરેટિંગ સિસ્ટમ છે કે જેનામાં સુધારો કરવો,કે તેને ડિલિટ કરવી અથવા તો તેને અનઇનસ્ટોલ કરવાનુ કાર્ય તદન અસંમભવિત છે. હવે તમે ગર્લફ્રેન્ડ ૭.૦ પોગ્રામનો વપરાશ કરિ શકશો નહિ. કારણ કે વાઇફ ૧.૦ પોગ્રામમાં આવી કોઇ સુવિધા નથી, એટલે અમે તમારા માટે પ્રાર્થના જ કરી શકિયે છીએ તેમજ કોઇ મદદ કરિ શકતા નથી..આભાર

–  લિ. ટેકનિકલ સપોર્ટ ડિપાર્ટમેન્ટ

પત્ની એટલે પત્ની ........( કંઈક હળવુ હળવુ ...)

પત્ની એટલે પત્ની .........

લોઈડ રોઝન ફિલ્ડે લખ્યું છે કે

મારા લગ્નજીવન દરમિયાન માત્ર બીજી વાર કાર્પેટ ઉપર મારાથી સિગારેટની રાખ પડી ગઈ કે તરત જ મારી પત્નીએ કહ્યું, “કાયમ કાર્પેટ ઉપર જ રાખ નાખવાનું તમે નક્કી કર્યું છે?”

લોઈડ રોઝનફિલ્ડ કહે છે કે, એની પત્નીએ કાર્પેટ ઉપર કાયમ સિગારેટની રાખ નાંખવાનો એના ઉપર આક્ષેપ મૂક્યો એટલે એણે એને થોડી સમજ આપવાનો નિશ્ચય કર્યો. અને થોડા દિવસ પછી એક ટ્રકમાં બે ટન રાખ મંગાવીને એના મકાનના કમ્પાઉન્ડમાં ઢગલો કરાવ્યો. ટ્રક ખાલી થઈને પાછી ફરી ગયા પછી એણે એની પત્નીને બોલાવીને રાખનો ઢગલો બતાવ્યો.
“આ બધું શું છે?” પત્નીએ નવાઈથી પૂછયું.
અને રોઝનફિલ્ડને બરાબર તક મળી ગઈ. “એ રાખ છે - એક હજાર ચારસો ઓગણચાલીસ રતલ. ઘણી ગણતરી કર્યા પછી મેં નક્કી કર્યું છે કે, તું કહે છે એ પ્રમાણે રોજ હું કાર્પેટ ઉપર સિગારેટની રાખ નાખતો હોઉં તો એનો આવડો ઢગલો થાય!”

પત્ની રાખના ઢગલા સામે તાકી રહી. “ઓ ભગવાન ! સારું થયું ને કે મેં એ બધી રાખ સાફ કરીને બહાર ફેંકી દીધી!”

રોઝનફિલ્ડ મૌન!

અને રોઝનફિલ્ડની પત્ની કાંઈ એક અને અજોડ હોય એવું તો બની શકે નહીં
એ    કોઈ ખાસ વિશિષ્ટ નથી. બીજા પુરુષોને પણ એવી પત્ની હોઈ શકે છે................................................................

“તમે કાયમ બાથરૂમનો નળ ખુલ્લો મૂકી દો છો.”

“કાયમ રાત્રે મોડા આવો છો.”

“કાયમ મિત્રો સાથે ગપ્પાં મારો છો.”

આવું તો ઘણાં પુરુષોએ ઘણી વાર સાંભળ્યું હશે. 

પણ, “તમે કાયમ પહેલી તારીખે પગાર લાવો છો.” કે “અવારનવાર મારી સાથે પિક્ચર જોવા આવો છો.” એવું ક્યારેય નહીં સાંભળ્યું હોય.

એક વાર એક ભાઈ પત્નીને લઈને એક મિત્રને ત્યાં જવા ઉપડયા. સરનામું પાક્કું હતું, પણ એ લત્તામાં કેટલાંક નવાં મકાનો બની ગયાં હતાં. દસેક મિનિટ આંટા માર્યા છતાં મિત્રનું ઘર ન મળ્યું. એટલે પત્નીએ કહ્યું, “તમે કાયમ ઘર ભૂલી જાઓ છો.”

“કાયમ?” (એ વખતે. મોબાઈલ ફોન શોધાયા નહોતા, નહીં તો ફોન કરીને મિત્રને પૂછી શકત.)

“હા. કાયમ”. પત્નીએ કહ્યું.

“છેલ્લે હું ક્યારે ભૂલી ગયેલો?”

“ગયે વર્ષે ધીરુભાઈ કટલેરીવાળાની દુકાન નહોતા ભૂલી ગયા?”

“અરે, એમણે તો દુકાન જ કાઢી નાખેલી મને એ ખબર નહોતી.”

“પણ મારે તો તમારી સાથે આ રીતે જ કલાક રખડવું પડેલું ને?”

પેલા ભાઈ પૂછી ન શક્યા કે કોને કોના માટે રખડવું પડેલું? એમણે માત્ર ઘડિયાળમાં જોયું ને ચૂપ થઈ ગયા.

“સુકેશી, આજે મારા બોસનો જન્મદિવસ છે. આજે હું વહેલો ઘરે નહીં આવી શકું.” પતિએ ફોન કર્યો.

“તમે આ રીતે કાયમ મોડા ઘરે આવો એ બરાબર ન કહેવાય.”

“કાયમ ક્યાં આવું બને છે?”

“આફ્રિકાથી તમારા પેલા મિત્ર આવેલા ત્યારે પણ તમે મોડા ઘરે આવ્યા હતા.”

“પણ એને તો ચાર વર્ષ થયાં.”

“થયાં હશે પણ મને કાયમ આ રીતે એકલા રહેવું ગમતું નથી.”

કોઈની પત્નીને એકલા રહેવું ગમતું નથી. છતાં પોતાની બહેનપણી સાથે ખરીદી કરવા જતી વખતે એ પોતાના પતિને આગ્રહ કરીને સાથે લઈ જતી નથી.

“મહેન્દ્રકુમારને ત્યાં સરસ સાડીઓ આવી છે!”

“પણ સાડી તો હમણાં જ ખરીદી છે ને?”

“હમણાં એટલે?”

“ગયા મહિને”

“તમે પણ ખરી અતિશયોક્તિ કરો છો! ગયે મહિને એટલે હમણાં કહેવાય?”

પતિને માથું ખંજવાળવું પડે છે.

અને છતાં પુરુષો પત્ની વિના જીવી શકતા નથી....    

-   from  the article of  મોહમ્મદ માંકડ,

ક્લોઝ અપ .... કંઈક હળવુ હ્ળવુ ...

આજે કેટલાક  ક્લોઝ અપ .... ચંદ્રકાંત બક્ષીના રમૂજ કાંડમાથી ...

વૃધ્ધાવસ્થા  :  વર્તમાનપત્રોમાં જ્યારે સમાચારો કરતાં તંત્રીલેખ વાંચવામાં તમે વધારે સમય બગાડો ત્યારે સમજવુ કે તમે વૃધ્ધ થઈ ગયા છો.

ગૃ હિણીનો સ્વભાવ : ચા નો રંગ જોઈને ખબર પડી જાય ...

ગભરાટ : એ માનસિક સ્થિતિ જ્યારે અંગ્રેજીમા લખેલુ " નાગાલેન્ડ " "મગનલાલ " વંચાય.

સ્ટોન  : એક બાહ્ય પદાર્થ જે ડાહ્યા માણસોની કીડનીમાં અને સવાઈ ડાહ્યા માણસોને માથામાં હોય છે.

સાળી : સીસ્ટર ઈન લો થી સ્વિટહાર્ટ ઈન લો વચ્ચેની એક સંબંધી.

સુટકેસ :  લગ્નમાં અપાતી એક ભેટ. ભાગીને લગ્ન કરવુ હોય તો અથવા લગ્ન કરીને ભાગી જવુ હોય તો કામ આવતી એક વસ્તુ. હનીમૂનથી મહાભિનિષ્ક્રમણ સુધી સાથે રહે છે.

સૂર્યાસ્ત : મૃત્યુના જન્મનુ સૌંદર્ય.

લગ્ન : એ સમાજ વ્યવસ્થા જેમાં એક હાથે  જ  તાળી પડતી હોય છે.

ડાયટીંગ : શરીર માટે સારી અને ચહેરા માટે ખરાબ એવી  સ્વાસ્થ્ય - પ્રવૃત્તિ.

જીવવુ : બીજા માટે મરવુ.

કલાકાર : એ મનુષ્યપ્રાણી જે મિત્રો વિના જીવી શકે પણ શત્રુઓ વિના જીવી શકતુ નથી.

રાત્રે વહેલા સૂઈને સવારે વહેલા ઉઠ્વા વિશે : આ ક્વોલીટી વીરની ગણવામા આવે છે. ( એ અર્થમા ) સહુથી વીર દૂધપીતા બાળકો છે એ વહેલા સૂઈને વહેલા ઉઠે છે.

કમજોર, ગુસ્સા બહોત : ચુનાના ઢગલા જેવી સ્થિતિ. ચૂનાના ઢગલા પર ઠંડુ પાણી નાખો તો પણ ગરમ થઈ જાય. અગ્નિ ન નિક્ળે પણ ચૂનો તતડ્યા કરે. કેટલાક માણસોનો આ સ્વભાવ હોય છે.

સેક્સ ગેપ : જનરેશન ગેપ પછીનુ ગુજરાતી પ્રગતિનુ આ બીજુ ચરણ.

છૂટાછેડા તે કંઈ લેવાતા હશે ?

અગેઈન આ હુ નહિ ડો. નલિની ગણાત્રા જ કહે છે. આની પહેલા "લગ્નની સીઝન અને છૂટાછેડા " એ લેખ અહી પોસ્ટ કરેલો  અને એમનો એ લેખ જેણે આખો વાચ્યો હશે એણે એના અંતમા આ વાચ્યુ જ હશે કે નલિનીબેને કહેલુ કે હવે પછીનો લેખ "છૂટાછેડા તે કઈ લેવાતા હશે ?" પર  હશે. તો હવે એના અનુસંધાનમા બેક ટુ બેક આ લેખ પણ મૂકવો જ રહ્યો કેમ કે આ લેખ પણ એની સાથે જોડાયેલો  જ છે. વળી આગળનો લેખ વાચીને કોઈને છૂટાછેડા લેવાની ઈચ્છા થઈ જાય તો એમના એ વિચાર પર બ્રેક મારવા આ લેખ પણ વંચાવવો જરુરી છે ...... તો એન્જોય ......... 

લગ્નની સીઝન અને છુટાછેડા ...

હાલ તો ચૈત્ર મહીનો ચાલે છે પણ દસ પંદર દિવસ પછી વૈશાખ શરુ થશે અને વૈશાખમા એક બળબળતી બપોર હોય, નાના બાળકોને વેકેશન હોય અને એક હોય લગનની સીઝન. જોકે મેરેજની સીઝન તો હવે બારે મહિના હોય છે નોટ એક્ઝેટલી ધેટ પણ બે-ચાર મહીના બાદ કરતા બાકીના બધા મહિના મેરેજ સીઝન જ હોય છે અત્યારે તો. પણ કેવુ લાગે જો ડીવોર્સની પણ સીઝન હોય તો ! અજીબ લાગે છે ને પરંતુ આ હુ નહી ડો. નલિની ગણાત્રા કહે છે. સંદેશમા થોડા મહીના પહેલા આવેલો ડો. નલિની ગણાત્રાનો લેખ આખેઆખો તમારા માટે અલબત્ત જેમણે ના વાચ્યો હોય એમના માટે ખાસ ... એન્જોય ... :-)