હેપી વસંત ...

શરીરમાં તાવ અને
મનમાં ગુસ્સો
ક્યારેક
આવી જવો જોઈએ...
માણસને પણ
પાનખર જેવું
કંઈક આવવું જોઈએ ...
પછી શરીર અને મન
બહુ સ્વચ્છ લાગે છે.

આ ચંદ્રકાન્ત બક્ષીના શબ્દો છે. વેલ પણ હાલ પાનખર નહી વસંત ચાલે છે. પ્રકૃતિમાં વસંત આવતી રહે છે. વસંત પછી પાનખર અને ફરી પાછી વસંત.જો કે આપણે માણસો ને એવું તો નથી હોતુ છતાંય શરીરમાં તાવ અથવા મનમાં ગુસ્સો આવીને જાય પછી જયારે તાજગી આવે એ વસંત આવ્યાનો દિલાસો બની શકે. એનીવેયસ વસંત પર ચંદ્રકાન્ત બક્ષીના કેટલાક શબ્દો અને સુરેશ દલાલની કવિતા સાથે સહુને હેપી વસંત ...

કદાચ મનુષ્ય માટે
ખુદાને પહેલેથી જ નફરત હશે ...
નહીં તો એણે
પ્રકૃતિને જે રીતની જવાની આપી છે
એ રીતની મનુશ્યોને પણ આપી હોત.
વર્ષે વર્ષે વસંત આવે છે,
જૂના પત્તાં ખરીને નવાં ફૂટે છે,
નવી કૂંપળો નવાં ફૂલો આવે છે,
નદીમાં નવું પાણી આવે છે...
આખી સૃષ્ટીમાં વસંતનો નવો શ્વાસ ધબકે છે
અને ધીરે ધીરે બંધ થઈ જાય છે,
બીજે વર્ષે આવવા માટે.
દર વર્ષે વસંત આવશે
સૃષ્ટિના અંત સુધી

માણસને પણ ઈશ્વરે મૄત્યુ સુધી
વર્ષે વર્ષે વસંત આપી હોત તો ?

- ચંદ્રકાન્ત બક્ષી

તમને ખબર છે, આજે વસંતપંચમી છે?

રેડિયો ઉપર ફાગણનાં ગીતો વાગ્યાં

 ને શહેરનાં મકાનોને ખબર પડી

 આજે વસંત પંચમી છે.

આસ્ફાલ્ટની કાળી સડકો

 ભીતરથી સહેજ સળવળી

 પણ

 કૂંપળ ફૂટી નહીં.

ત્રાંસી ખૂલેલી બારીને

 બંધ કરી

 કાચની આરપાર

 કશું દેખાતું નહોતું.

ફ્લાવર વાઝમાં

ગોઠવાયેલા ફૂલો કને જઇને પૂછ્યું :

તમને ખબર છે, આજે વસંતપંચમી છે?

- સુરેશ દલાલ

એકો અહં, ધ્વિતિય નાસ્તિ ...

ભીતરી આખી સફર પર ચાલવાની છે મજા,
એકલા બસ આપણે એ ભીડનો રસ્તો નથી....

એમ તો દુનિયામાં દરેક માણસ અનોખો અને અજોડ છે. વૈચાતિક રીતે ભલે એ ટોળામાંના ઘેટામાંની જેમ જીવતો હોય અને કદાચ કંઈક અલગ ના પણ જીવતો હોય તો પણ  બાયોલોજીકલી તો એ સાવ સાચુ જ છે કે એક માણસ બીજાથી સાવ અલગ છે. માણસ જ શુ કામ!  ઉપરવાળા એ ઘડેલી દરેક વસ્તુ એક્બીજાથી થોડી તો અલગ હોય જ છે. ભીડમાંથી અલગ પડવા માટે ક્યારેક આવી શારિરિક ભિન્ન્તા તો ક્યારેક વૈચારિક ભિન્નતા કામમાં આવે છે .

એકો અહં, ધ્વિતિય નાસ્તિ ... એના પર ચંદ્રકાન્ત બક્ષીના કેટલાક વિચારો ...

જીવનના અંતિમ ઉચ્છવાસ સુધી
જીવન સમાપ્ત થતું નથી.

આ પૃથ્વી પર જન્મેલો દરેક માણસ એક જ છે.
પહેલો પુરુષ એકવચન છે, એ બીજો નથી,
એ અધ્વિતીય હોય અથવા ન હોઈ શકે
પણ એનો ધ્વિતિય નથી,

એના અંગુઠાની છાપ, એના અક્ષરોના મરોડ,
એના અવાજની ગહરાઈ, એના ચહેરાની રેખાઓ,
એના અનુભવનો ગ્રાફ, એના ભૂતકાળના ઉભાર ઉતાર,

એના રક્તસંબંધો અને દિલસંબંધો,
એનું પતિત્વ- પિતાત્વ - પુત્રત્વ અને સ્વત્વ અને
અંતે કૃતિત્વ છંટાઈ છંટાઈને
એક એવા બિંદુ પર આવીને ઊભા રહી જાય છે

જ્યારે કહી શકે છે
એકો અહં, ધ્વિતિય નાસ્તિ ...
ન ભૂતો ન ભવિષ્યતિ ...

હું એક જ છુ. મારા જેવો બીજો નથી.
ભૂતકાળમાં હતો નહીં, ભવિષ્યમાં થશે નહી ...

- from the book "Ego" by Chandrakant Bakshi

સ્પીડને બ્રેક કરતી કેટલીક વ્યાખ્યાઓ ...

પુરુષ એક બહુ જ અસંતોષી પ્રાણી છે.  એને હોટલમા ઘરના જેવી સગવડો જોઈએ છે અને ઘરમા હોટલ જેવી સર્વિસ  જોઈએ છે. -  સ્ટેટ્સમેન

જરુર પડે તો હુ મારા ભાઈને પણ લાત મારે દઉ. બસ એને જ પ્રોફેશનલ કહે છે. - ફૂટબોલ કોચ સ્વીટ મેક્મેહન

બુધ્ધિશાળી એ માણસ છે જે જરુર કરતા વધારે શબ્દો વાપરે છે . એ જાણે છે એના કરતા વધારે કહેવા માટે. - x president of USA ડ્વાઈટ ડી. આઈઝ્નહોવર.

જીવનને અસહ્ય બનાવવા માટે કેટલી નાની વસ્તુની જરુર પડે છે ? બૂટમા એક ખીલી, ખાવામા એક જીવડુ, સ્ત્રીનુ હસવુ. - એચ.એલ.્મેન્કેન

પાણી, હવા અને સ્વછતા એ  ઔષધિશાસ્ત્રના કોઈપણ પુસ્તક્ની શ્રેષ્ઠ દવાઓ છે.- નેપોલિયન બોનાપાર્ટ

જો જીવનમા સારી જ વસ્તુઓનો આગ્રહ હોય તો - ઓછુ ડરો, વધારે આશા રાખો, ઓછુ ખાઓ, વધારે ચાવો,  ઓછુ બકો, વધારે બોલો, ઓછી નફરત વધારે પ્રેમ ... અને સારી વસ્તુઓ તમારી થઈ જશે. - લોર્ડ ફિશર

દુર્ભાગ્ય કરતા સૌભાગ્યને સહન કરવુ અઘરુ છે. એમા વધારે ગુણ જોઈએ છે. - મુસોલિની

અજનબીને કોઈ મિત્ર હોતો નથી સિવાય કે બીજો અજનબી. - શેખ સાદી, ફારસી કવિ

ચારિત્ર્ય એ વ્રુક્ષ છે અને પ્રતિષ્ઠા એ પડછાયો છે. આપણે હંમેશા પડછાયા વિશે જ વિચારતા રહીએ છીએ જ્યારે મહત્વની વસ્તુ છે  વ્રુક્ષ. - અબ્રાહમ લિંકન

એ માણસને શાંતિમય જીવન ક્યારેય નહી મળી શકે જે સતત જીવનને લંબાવવાના જ વિચાર કર્યા કરતો હોય. - સેનેકા, રોમન ફિલસૂફ

ચિત્રકલા - જ્યારે જાણતા ન હોવ ત્યારે એકદમ સહેલી અને જાણતા હોવ ત્યારે અત્યંત અઘરી છે. - દેગાસ, ચિત્રકાર.

જે પથ્થર પોતે કાપતો નથી એ તલવારની ધાર ને વધારે ધારદાર બનાવે છે. - સંસ્ક્રુત કહેવત

જ્યારે પૈસાની વાત આવે છે ત્યારે દરેક માણસનો ધર્મ એક બની જાય છે. - વોલ્તેયર, ફ્રેંચ દાર્શનિક

જો કોઈ વસ્તુ છૂપાવવાની હોય તો એ એની આંખોની સામે મૂકે દો. એ નહી જુએ. - ઈજિપ્તની જૂની કહેવત

સરેરાશ માણસ, જેને ખબર નથી કે આ જિંદગીનુ શુ કરવુ, એ હંમેશા બીજી જ જિંદગી માંગતો રહે છે. - આનાતોલ ફ્રાંસ, ફ્રેંચ લેખક

એવા માણસનો ક્યારેય વિશ્વાસ ન કરશો જેણે એના ઉપરી ક્યારેય ભૂલ કાઢી ન હોય. - બ્રર્ટન કોલીન્સ

ઈંગ્લેન્ડમાં કહેવાય છે કે એક જેન્ટલમેન બનાવવા માટે ૩પેઢીઓની મહેનત જોઈએ. - 

સામાન્ય માણસ માટે સૌથી મોટી બદકીસ્મતી ? એક અસામાન્ય પીતા . - ઓસ્ટીન ઓ મેલી

ભૂતકાળ વગરની સ્ત્રીને કોઈ ભવિશ્ય નથી . - ઓસ્કાર વાઈલ્ડ

- from the book of Chandrakant Bakshi

ક્લોઝ અપ .... કંઈક હળવુ હ્ળવુ ...

આજે કેટલાક  ક્લોઝ અપ .... ચંદ્રકાંત બક્ષીના રમૂજ કાંડમાથી ...

વૃધ્ધાવસ્થા  :  વર્તમાનપત્રોમાં જ્યારે સમાચારો કરતાં તંત્રીલેખ વાંચવામાં તમે વધારે સમય બગાડો ત્યારે સમજવુ કે તમે વૃધ્ધ થઈ ગયા છો.

ગૃ હિણીનો સ્વભાવ : ચા નો રંગ જોઈને ખબર પડી જાય ...

ગભરાટ : એ માનસિક સ્થિતિ જ્યારે અંગ્રેજીમા લખેલુ " નાગાલેન્ડ " "મગનલાલ " વંચાય.

સ્ટોન  : એક બાહ્ય પદાર્થ જે ડાહ્યા માણસોની કીડનીમાં અને સવાઈ ડાહ્યા માણસોને માથામાં હોય છે.

સાળી : સીસ્ટર ઈન લો થી સ્વિટહાર્ટ ઈન લો વચ્ચેની એક સંબંધી.

સુટકેસ :  લગ્નમાં અપાતી એક ભેટ. ભાગીને લગ્ન કરવુ હોય તો અથવા લગ્ન કરીને ભાગી જવુ હોય તો કામ આવતી એક વસ્તુ. હનીમૂનથી મહાભિનિષ્ક્રમણ સુધી સાથે રહે છે.

સૂર્યાસ્ત : મૃત્યુના જન્મનુ સૌંદર્ય.

લગ્ન : એ સમાજ વ્યવસ્થા જેમાં એક હાથે  જ  તાળી પડતી હોય છે.

ડાયટીંગ : શરીર માટે સારી અને ચહેરા માટે ખરાબ એવી  સ્વાસ્થ્ય - પ્રવૃત્તિ.

જીવવુ : બીજા માટે મરવુ.

કલાકાર : એ મનુષ્યપ્રાણી જે મિત્રો વિના જીવી શકે પણ શત્રુઓ વિના જીવી શકતુ નથી.

રાત્રે વહેલા સૂઈને સવારે વહેલા ઉઠ્વા વિશે : આ ક્વોલીટી વીરની ગણવામા આવે છે. ( એ અર્થમા ) સહુથી વીર દૂધપીતા બાળકો છે એ વહેલા સૂઈને વહેલા ઉઠે છે.

કમજોર, ગુસ્સા બહોત : ચુનાના ઢગલા જેવી સ્થિતિ. ચૂનાના ઢગલા પર ઠંડુ પાણી નાખો તો પણ ગરમ થઈ જાય. અગ્નિ ન નિક્ળે પણ ચૂનો તતડ્યા કરે. કેટલાક માણસોનો આ સ્વભાવ હોય છે.

સેક્સ ગેપ : જનરેશન ગેપ પછીનુ ગુજરાતી પ્રગતિનુ આ બીજુ ચરણ.