"નિષ્ફળતા" બહુ જ ડરામણો શબ્દ છે. અને આપણા સહુના જીવનનો અનિવાર્ય ભાગ પણ. એ જાણવા છતાં આપણે બધા ક્યાક ને ક્યાક થોડુક તો નિષ્ફળતાથી ડરીએ જ છીએ. શુ કરીએ માણસ છીએ ! પણ નવાઈ ની વાત તો એ જ છે કે ખબર છે કે નિષ્ફળ થવુ અને રહેવુ એમ તો પીડાદાયક છે છતા ક્યારેક કોઈ નિષ્ફળ માણસને જોઈએ તો એને સહાનુભૂતિ કે સહારો આપવાને બદલે જાણે અજાણે એ વધારે ડીપ્રેસ થઈ જાય એવુ કઈ બોલી નાખીએ છીએ. તમને થતુ હશે કે હજી ગઈકાલે જ તો ભારત વર્લ્ડ કપ જીત્યુ છે અને આજે નિષ્ફળતા ની વાત શુ કામ ? પણ કદાચ ભારત વર્લ્ડકપ ના જીત્યુ હોત તો !!! તો બિચારી ઈન્ડિયન ટીમનુ આવી જ બનત. અત્યાર સુધીની જીતેલી મેચ અને મહેનત બધુ પાણીમા જાત. આપણે જ્યારે કોઈની સફળતા વખાણીએ છીએ ત્યારે એ વાત ભુલી જઈએ છીએ કે એ એક સફળ પ્રયત્ન પાછળ અનેક નિષ્ફળ પ્રયત્નોની હારમાળા હોય છે પણ એની કદર એક સફળ પ્રયત્નથી જ થાય છે. દુનિયામા એવા કેટલાય લોકો હશે જે તાતા, અંબાણી, બિલ ગેટ્સ, આઈનસ્ટાઈન કરતા કદાચ વધારે મહેનતુ અને ક્ષમતાવાળા હશે પણ છેલ્લા એક સફળતાના પ્રયત્નને અભાવે એ નામ જગતના ફલક પર ઉભરી શક્યા નથી. પણ લાઈફ આવી જ છે ક્યારેક નસીબથી મહેનત ફળે છે તો ક્યારેક મહેનતથી નસીબ બને છે.
હુ એક નિષ્ફ્ળ માણસ છુ
આત્મહત્યા કરવામાં સફળ ન થયો તે ન થયો
નિષ્ફળ માણસની વાત સાંભળવામાં
તમને રસ પડશે ખરો?
સફળ માણસો
સાંભળતા નથી હોતા
સફળ માણસો ને તો પોતાની ઘાસ જેવી વાતોને
બહેલાવી બહેલાવીને બગીચો રચવાની
ડંફાસની આવડત હોય છે
આદત હોય છે
નિષ્ફળ માણસની વાતને
બીજો નિષ્ફળ માણસ પણ સાંભળતો નથી
કારણ કે એની વાતમાં
એને માટે
કશું નવુ નથી.
હું દેવાદાર છુ
પૈસેટકે ખુવાર છુ
આ સમાજમા પૈસાદાર માણસો જ સફ્ળ ગણાય છે
પત્ની પણ સમાજ્નો જ એક અંશ છે
સંતાનો પણ સમાજનો જ વંશ છે
તમે ઘરે કેટ્લા રુપિયા લાવો છો એના પર જ
પિયાપિયા કે સાંવરિયા-નાં
સંબોધનો હોય છે, આશ્લેષ ને આલિંગન હોય છે
અને સંવનન હોય છે
પત્નીની લાગણી પણ ખરીદવી પડે છે
સંતાનોને પણ
બાપ શું લાવે છે કેટલુ લાવે છે
એની બરાબર સમજ પડે છે
આ બધી વાત મને નડે છે, કનડે છે.
આમ તો મારા ઘરમાં
કલર ટીવી છે, ફ્રિજ છે
લાગણીના નામે એક નિર્જીવ ચીજ છે
બારી પર પડદા છે
પણ એ પડદા મનની આબરુ ઢાંકે એવા નથી
નિષ્ફળતાનાં બોર કોઈ શબરી ચાખે એવાં નથી
પૈસા સિવાય અહી કોઈ કોઈ ને માપે એવા નથી
પૈસો હોય તો આપણા શબ્દોને કોઈ ઉથાપે એવા નથી.
પત્નીનો ભાઈ વેલ્થટેક્સ ભરે છે
પત્નીની બહેનપણીનો વર ડયમંડ મરચન્ટ છે
પત્નીના મામા મિલિયોનર છે
પત્નીના કાકા કરોડપતિ છે
આ બધાની સરખામણીમા હુ કાઈ નથી
પત્ની આમ તો મને કશુ કહેતી નથી
પણ આસપાસના બધા માણસો
કેટલા સફળ થયા છે
એ કહ્યા વિના પણ એનુ મન છાનુ રહેતુ નથી.
પૈસો ન હોય તો આ જીવવાનો કોઈ હેતુ નથી
બે માણસ વચ્ચે સમજણનો કોઈ સેતુ નથી.
થાય છે કે હુ સ્મગલર થાઉ તો સારુ
હું વલ્ગર થાઉ તો સારુ
પૈસાને કારણે થોડો કલ્ચર થાઉ તો સારુ
પણ ન સ્મગલર થયો ન વલ્ગર થયો
મારા જેવો એક આમ આદમ, - દમ વિનાનો
કેવળ અલ્સર થયુ.
સ્મગલર થયો હોત તો વેલ્થનો વલ્ગર શો કરી શક્યો હોત
ઓનરશીપનો ૩૦લાખનો ફ્લેટ લઈ શક્યો હોત
પૃથ્વી પર સ્વર્ગનો નશો કરી શક્યો હોત
કુટુંબને વેકેશનમાં
જાપાન, જર્મની, હોંગકોંગ , સિંગાપોર, યુરોપ, અમેરિકા ફેરવી શક્યો હોત
ડોલર, રુપિયા, રુબલ્સ, પાઉન્ડ લીરામા ભેરવી શક્યો હોત
પાકેલા ફ્ળની જેમ
ઝાડ પરથી લાગણી ખેરવી શક્યો હોત
પણ આપણામા ત્રેવડ નથી
બાપના વાવેલા રુપિયાના વડ નથી
માથું અને ધડ નથી
રુપિયા આવશે એવા નસીબના સગડ નથી
જેટલી આપી શકાય એટલી સગવડ નથી
ડાયમંડના દગડ નથી
લંચ અવર્સમા કોઈને
શીશામા ઉતારી શકાય એવી પકડ નથી
મારી પાસે " નથી " એટલા બધા છે કે થોડાક "છે" - નો
પણ છેદ ઉડી જાય છે
ચહલ પહલ આનંદનો મેદ ઉડી જાય છે
પૈસો હોય તો તમારો પરસેવો પરફ્યુમ લાગે છે
પૈસો ન હોય તો તમારો પસીનો પણ
ગટરનુ પાણી છે
આ વાતને મે અનુભવે પ્રમાણી છે
મારુ નસીબ
એ કૂવામા ઉતારેલી બાલદી છે પણ એ બાલદીની કૂખ કાણી છે
નસીબ હોય તો કૂવો દરિયો લાગે
અને બાલદીની દોરી વરમાળા લાગે
નસીબ વિના શયનખંડના એક એક ફૂલ કાળી જવાળા લાગે
મારી વાતને
હુ મારી ગરીબીની જેમ લંબાવી શકુ એમ છુ
પણ આ વાત કે ગરીબી લંબાવવા જેવી નથી
જિંદગી ટૂંકાવવા જેવી છે
હું જિંદગીને ટૂંકાવવા ગયો
પણ એમા પણ નિષ્ફળ ગયો
આત્મહત્યામા પણ હુ સફળ ન થયો
કારણ કે હુ એક નિષ્ફળ માણસ છુ.
- સુરેશ દલાલ
શુ થયુ? ડીપ્રેસ થઈ ગયા હોવ તો લો આ વાંચો ...
નિષ્ફળતા જેવું કશુ હોતું નથી,
હોય છે માત્ર પ્રયત્નોનું છોડી દેવું…
જરા આ પણ સાંભળો ,
"જો તમને એમ લાગતુ હોય કે હાલ તમે જે કઈ પણ છો અથવા તમારી પાસે જે કઈ પણ છે એ માત્ર તમારી મહેનત અને આવડતને કારણે છે તો એ વાત ભુલશો નહી કે દુનિયામા તમારાથી પણ વધારે મહનતુ અને આવડતવાળા અનેક લોકો છે જેમની પાસે તમારી પાસે જે કઈ છે એમાનુ અડધુ પણ નથી. "
હજી એથી પણ આગળ વાચવુ હોય તો લો માર્ટીન લ્યુથર કીંગ શુ કહે એ જુઓ.
જો તમે ઉડી ના શકતા હોવ તો દોડો, જો દોડી ના શકતા હોવ તો ચાલો , જો ચાલી ના શકતા હોવ તો ઢસડાઈ ને આગળ જાવ પણ આગળ વધતા રહો ....
સરદારજી - વો સબ તો ઠીક હે પર જાના કહા હે ? ? ?
No comments:
Post a Comment