ઈશ્વરનુ અસ્તિત્વ - એક શોર્ટ સ્ટોરી ...

આજે  કવિતાઓમાથી થોડો વિરામ લઈને એક મિત્રની ખાસ રીક્વેસ્ટ પર એક શોર્ટ સ્ટોરી .......

આ દુનિયામા એક માણસજાત અને એક ઈશ્વરજાત આઈમીન "ઈશ્વર- ગોડ - ભગવાન - અલ્લા .." - આ બેના માથે જબરજસ્ત માછલા ધોવાયા છે.કવિઓ, લેખકો, ફિલોસોફરો એ એને વખાણવામા ને એને વગોવવામા કોઈ કસર છોડી નથી. પણ અંતે તો હેમ નુ હેમ ..... એ ન્યાયે આ બંને વિષયો પર  ચર્ચા ક્યારેય પૂરી થઈ નથી કે થવાની નથી. એ ક્યારેય સમજાયા નથી કે સમજાવાના નથી. પણ એક હકીકત છે કે આ બંને વિષય નથી સમજાયા એટલે જ તો આપણા બધાનો ટાઈમ પાસ થાય છે આઈમીન એને જાણવા - સમજવામા જ લાઈફ આટલી મીસ્ટીરીયસલી  બ્યુટીફૂલ છે ને ક્યારેક બ્યુટીફૂલી મીસ્ટીરીયસ છે. એની વેયસ ..... આપણે ચર્ચા નહી વાર્તા જ કરીએ .... :)

*********      *********       *********

ઈશ્વરનુ અસ્તિત્વ નથી ...

ઍક્વાર એક ભાઈ વાળ કપાવવા વાળંદને ત્યા જાય છે. અને રાબેતા મુજ્બ વાળંદ વાળ કાપતો કાપતો પેલા ભાઈ જોડે વાતો કરવાનુ શરુ કરે છે. તમે ક્યાના છો ને ક્યા રહો છો... શેમા નોકરી કરો છો ને આજકાલ મોઘવારી કેટલી વધી ગઈ છે ને સરકાર કશુ કરતી નથી ... etc etc... હવે વાત કરતા કરતા અચાનક "ભગવાન" નો ટોપીક નિકળી આવ્યો. 

તો પેલા વાળંદે કહ્યુ " હુ નથી માનતો કે ભગવાન જેવુ કોઈ દુનિયામા છે. .... "

તો પેલા ભાઈએ નવાઈ સાથે પૂછયુ , "કેમ ભાઈ! કેમ આમ કહો છો ?" 

 વાળંદે જવાબ આય્પો,"એમા એવુ છે ને કે તમે ખાલી આ ગલીઓમા ને રસ્તા પર જરા ધ્યાનથી નજર ફેરવશો તો પણ ખબર પડશે કે ભગવાન જેવુ કઈ નથી. કહો જરા મને!  જો ભગવાન હોત તો આટલા બધા માંદા માણસો હોત ! આટલા ગરીબ બાપડા બિચારા લોકો હોત ! આવા અનાથ ઓશિયાળા બાળકો હોત! જો ભગવાન હોત તો દુનિયામા ક્યાય દુખ કે શોક   હોત!  હુ નથી માની શકતો કે જો દયાળુ ભગવાન અહી હોત તો તે ક્યારેય આવી તકલીફો દુનિયામા રહેવા દેત.. "

પેલો ભાઈ ક્ષણભર  વિચારમા પડી ગયો. એ જવાબ તો આપવા માગતો હતો પણ કોણ નાહકની ચર્ચા કરે એમ વિચારીને એણે આગળ બોલવાનુ માંડી વાળ્યુ ને પોતાના વાળ કપાઈ ગયા એટલે પૈસા ચૂકવીને  ચાલતી પક્ડી.

જેવો એ વાળંદની દુકાનમાથી બહાર નિકળ્યો કે એણે થોડે જ આગળ  એક લાંબા, ગુંચળાવળી ગયેલા, ગંદા વાળવાળા અને એવી જ ગંદી વધી ગયેલી દાઢીવાળા એક માણસને જોયો. એ બહુ જ ગંદો અને ગરીબ દેખાતો હતો. એને જોતા જ પેલા માણસના મનમાં એક ઝબકારો થયો. એ તરત જ પાછો પેલા વાળંદની દુકાનમા પાછો ગયો અને એને કહ્યુ " તમને ખબર છે ? આ દુનિયામા વાળંદનુ અસ્તિત્વ જ નથી.! " 

પેલા વાળંદે આશ્ચર્યથી પૂછ્યુ, " આવુ તમે કેવી રીતે - કયા આધારે કહી શકો ?  ..........  હુ પોતે જ તો એક વાળંદ છુ અને હુ છુ તો ખરો અહી ! અને હાલ જ તો મે તમારા વાળ કાપ્યા ... પછી શેના તમે આવુ કહો છો ?"

 "ના." પેલા ભાઈએ ફરીથી ભારપૂર્વક કહ્યુ , " દુનિયામા વાળંદો  છે જ નહી.  કેમ કે જો વાળંદો હોત  તો દુનિયામા એક પણ માણસ લાંબા ગંદા વાળવાળો ને લાંબી ગંદી દાઢીવાળો ના હોત. જેમ કે આ તમારી દુકાનની બહાર પેલો ભાઈ છે ઉભો છે એવો !  ..."

પેલા વાળંદે દુકાન બહાર નજર કરીને પેલા લાંબા - ગંદાવાળવાળા માણસને જોયો અને કહ્યુ , " ઓહો ! અરે ભલા ભાઈ !  પેલાએ વાળ નથી કપાવ્યા એથી એમ થોડુ કહેવાય કે વાળંદો નથી દુનિયામા ..... વાળંદો તો છે જ ને દુનિયામા. એ તો એ અહી આવતો નથી મારી પાસે વાળ કપાવવા ....એમા હુ શુ કરુ ?  એમા કઈ અમારુ અસ્તિત્વ થોડુ મટી જાય છે .... એણે આવવુ જોઈને વાળ કપાવવા ને દાઢી કરાવવા મારી પાસે. હુ થોડો સામે ચાલીને એના વાળ કાપવા જઉ !... " 

હં, હવે બરાબર લાગ મળ્યો પેલા ભાઈને અને એણે પણ પેલા વાળંદને સીધુ જ સમજાવ્યુ, " બસ ! આ જ તો વાત છે. ભગવાન તો છે જ દુનિયામા પણ આપણે  એની પાસે જતા નથી.  ક્યારેક જઈએ તો પણ સાચા મનથી જતા નથી અને ક્યારેય ખરા મનથી મદદ માગતા નથી. એટલે જ તો દુનિયામા આટલુ દુખ અને શોક છે ...  એનો અર્થ એવો થોડો છે કે ભગવાન નથી દુનિયામા!..........."

*********      *********       *********

વેલ ! ઈશ્વર છે અને નથી અને છે તો ક્યા છે ? કેવો છે ? આપણી અંદર કે અત્ર તત્ર સર્વત્ર છે એ તો સહુ સહુના અંગત અનુભવની વાત છે. એની ચર્ચા ના કરવી જ સારી. 

 
પણ એક સાંભળેલી વાત યાદ આવે છે કે - " મને એ તો નથી ખબર કે આપણુ અસ્તિત્વ ઈશ્વરના લીધે છે કે નથી પણ એ વાતની તો ખાત્રી છે કે ઈશ્વરનુ અસ્તિત્વ ચોક્કસ આપણા લીધે છે. .... "

સાચી જ વાત છે ........આપણે ના હોઈએ તો કોણ એને આવા જાત જાતના નામથી નવાજે. કોણ એની સામે હાથ જોડીને પ્રાર્થના કરે , કોણ એના નામનુ રટણ કરે ! એટલે જ્યા સુધી માણસજાત આ દુનિયામા હયાત છે ત્યા સુધી ઈશ્વરનુ અસ્તિત્વ પણ સલામત છે આ દુનિયામા ... "

અને છેલ્લે ....

જો જગતમા ઈશ્વર હોય 
તો એ મારા જેવો હોય તારા જેવો હોય
આપણા જેવો હોય
આપણાથી જુદા 
નથી સહેજે ખુદા ............