ઉનાળો શરુ થઈ ગયો છે અને સાચે જ હવે તો તડકો વાગે પણ છે અને દઝાડે પણ છે .... કવિ તો કહે છે કે ઝાકળ લગાવો પણ ઝાક્ળનુ કઈ પેકેજીંગ કરીને થોડુ સાચવી રખાય છે કે એ ફેસ પાવડરની જેમ ડબ્બામા થોડુ મળે છે કે ઈચ્છા થાય ત્યારે એને માપ જેટ્લુ હાથમા લઈને લગાડી શકાય ! સાચે જ કવિની હોય કે અ-કવિની હોય પણ કલ્પનાને ક્યારેય પહોચી શકાતી નથી અને એટલે જ એ સુંદર લાગે છે.
દ્વાર પર સાકળ લગાવી દઉ, નયનમા જળ લગાવી દઉ,
આવ આ તારા સમય પર બે'ક મારી પળ લગાવી દઉ.
કેમ ગુમસુમ થઈ ગયો ? કૈં બોલ ને, આ ઘાવ શાના છે ?
શું થયું, તડકો તને વાગ્યો ? જરા ઝાકળ લગાવી દઉ ?
જેમ તું કે' એમ થાશે, સૌ પ્રથમ અધિકાર તારો બસ !
બોલ, અંધારું લગાવું કે પછી ઝ્ળહ્ળ લગાવી દઉ ?
સાવ કોરોકટ ભલે હો, સાવ સુક્કોભઠ્ઠ ભલે હો, પણ,
આવ, ચાલ્યો આવ, તારામાં નદી ખળખળ લગાવી દઉ.
શબ્દ સઘળા ગણગણી ઉઠે તને, તું રણઝણી ઊઠે,
કૈંક તારા ફેફસામાં એટલું ચંચળ લગાવી દઊં ....
- અનિલ ચાવડા
No comments:
Post a Comment