ગઝલ એટલે ગઝલ .... ગઝલના રસિયાઓ માટે ખાસ ...
તને શબ્દોની એક નોખી અદબ મળશે ગઝલ પાસેઅને અર્થોનો એ જાદુ ગજબ મળશે ગઝલ પાસે
યુગોથી તપ્ત રણની પ્યાસ લઇને તું ભલે આવે
છિપાવે પ્યાસ પળમાં એ પરબ મળશે ગઝલ પાસે
ફક્ત બે ચાર ટીપામાં નશો એનો ચડી જાતો
સુરા એવી અલૌકિક ને અજબ મળશે ગઝલ પાસે
નિરાશા જિંદગીની ચોતરફથી ઘેરશે જ્યારે
નવી આશાનું એકાદું સબબ મળશે ગઝલ પાસે
ક્ષણોમાં જીવવાનો રંજ ના રહેશે કદી મનમાં
ક્ષણો શાશ્વત બને એવો કસબ મળશે ગઝલ પાસે
No comments:
Post a Comment