ન મળવાની ચીજો મળી પણ શકે છે
ઘણીવાર સ્વપ્નો ફળી પણ શકે છે
ગમે ઊર્ધ્વતા આ તમારા હ્રદયની
અમારુ હ્રદય તો ઢળી પણ શકે છે
અહીં ઠેકઠેકાણે આવે વળાંકો
તુ મરજી પ્રમાણે વળી પણ શકે છે
આ માણસનાં હૈયા પણ, છળે પણ,
મુસીબત પડે તો મળી પણ શકે છે
અહીં એક તરસ્યા ઇસમની કબર છે,
અહીંથી નદી નીકળી પણ શકે છે....
- Kiran Chauhan
સાચી વાત છે આ જીવન છે ને અહી કઈ પણ થઈ શકે છે. પણ ક્યારેક દુખી માણસો રડવામા એટલા પાવરધા થઈ જાય છે કે એમને દુખના ખાબોચિયા માથી બહાર આવતા પણ બીક લાગવા માડે છે. ને હદ તો ત્યારે થાય છે જ્યારે આવા લોકો કઈક અલગને કઈક નવુ કરતા લોકો ને હમેશા રોકતા હોય છે એમ કહી ને કે "આમ તે કઈ થતુ હશે ? આવુ તે ક્યાય જોયુ છે ?" કેમ ભાઈ બીજા ના પગલા ઘસાઈ ને કેડી પડી હોય એ જ રસ્તે ચલાય ? શુ નવા રસ્તા શોધી ના શકાય ? તો પછી આના વિષે શુ કહેવુ છે ? ,
આભમાં કે દરિયા માં તો એક પણ કેડી નથી
અર્થ એનો એ નથી કે કોઈએ સફર ખેડી નથી...
- 'મિસ્કીન'
No comments:
Post a Comment